Dogana kthen drejt Serbisë 7 kamionë me “Coca Cola” dhe produkte tjera, u mungonte “Republika e Kosovës” në dokumente

Shtatë kamionë me pije të brendit “Coca Cola” dhe produkte tjera,  janë kthyer nga Kosova për në
Serbi që nga fillimi i implementimit të taksës për produktet serbe.
Lajmin e ka konfirmuar zëdhënësi i Doganave të Kosovës, Adriatik Stavileci.

 

“Prej që ka filluar implementimi i masës për produktet serbe janë kthyer 7 mauna me pije të brendit “Coca Cola” dhe produkte tjera për në Serbi. Kthimi i tyre ka ndodhur për shkak se nuk e kanë pasur në rregull deklaracionin e mallit”, ka thënë Stavileci.

 

Mësohet se kthimi i këtyre 7 kamionëve ka ndodhur për shkak se në dokumentet e tyre nuk ka figuruar askund “Republika e Kosovës”.

Kujtojmë, se vendimi i Qeverisë së Kosovës për taksë 100 për qind ndaj produkteve nga Serbia dhe Bosnja është marrë javën që lamë pas. Po ashtu sipas këtij vendimi është kërkuar edhe largimi i të gjitha produkteve në të cilat shkruan “Kosova e Metohija”.

Pikërisht për vendimin e Qeverisë, katër kryetarët e komunave me shumicë serbe, Mitrovicës së Veriut, Leposaviqit, Zubin Potokut dhe Zveçanit kanë dhënë dorëheqje nga postet e tyre.

Shpërndaje këtë lajm në...
Loading...

Leni një Koment

Your email address will not be published. Required fields are marked *